Ramani ni muunganiko wa michoro na vipimo vilivyoandaliwa na kuwekwa kitaalamu ili kuwasaidia wajenzi kujenga nyumba vile inavyotakiwa kulingana na msanifu alivyoandaa bila kukosea chochote. Pia ramani hutumika kufanya makadirio ujenzi, ni muongozo wa maongezi na majadiliano ktk ujenzi wako, huitajika serikalini kwajili ya taratibu nyingine na pia kupata kibali cha ujenzi, huhitajika pale unapoomba mkopo wa ujenzi benki... Kurasa za ramani na kazi yake

• Site plan -  (ramani ya mpangilio wa kiwanja) hutumika ktk kuiweka nyumba sehemu sahihi ya kiwanja pale wanapoanza kujenga msingi. Pia huonesha vitu kama mashimo ya choo, geti, uelekeo wa nyumba, fensi.. zinapokaa
• Foundation plans - (ramani ya msingi) hizi hutumika kujenga msingi wa nyumba kwa kuonesha vipimo vya mtaro wa msingi, kuta za msingi, nguzo n.k. 
• Floor plans - (ramani kuu ya nyumba) hizi ndizo hutumika kukata na kuonesha namna kuta, nguzo, madirisha, milango n.k vinavyokaa ktk nyumba
• Furniture layouts - (mpangilio wa fanicha) hizi huonesha namna ambavyo unaweza kupanga fanicha zako ktk nyumba yako; hii husaidia pia ktk kuonesha uwiano wa fanicha na ukubwa wa nyumba ili uweze kuielewa nyumba vizuri
• Sections - (vipande mkato vya nyumba) hizi hutumika kuonesha mchoro, vipimo na layer za nyumba ukiikata toka juu hadi chini ipoje; inaonesha vitu kama msingi, kuta, linta, beams, veranda, slabs, madirisha, milango, sakafu, chini ya sakafu, plasta, kenchi, paa, bati... zipoje na kwa vipimo gani
• Front elevations - (mchoro wa upande wa mbele wa nyumba) hii huonesha namna nyumba upande wa mbele inavyoonekana
• Rear elevations - (mchoro wa upande wa nyuma wa nyumba) hii huonesha namna nyumba upande wa nyuma inavyoonekana
• Right side elevations - (mchoro wa upande wa kulia wa nyumba) hii huonesha namna nyumba upande wa kulia inavyoonekana
• Left side elevations - (mchoro wa upande wa kushoto wa nyumba) hii huonesha namna nyumba upande wa kushoto inavyoonekana
• Roof plans - (ramani ya paa) hizi hutumika kuonesha michoro na vipimo vya paa vinavyotakiwa viwe na kufuatwa wakati wa ujenzi.
• Wastewater drawings - (michoro ya mashimo ya maji machafu) hii hutumika kuonesha namna na vipimo vya mashimo ya maji machafu yanavyotakiwa kujengwa; Mashimo kama soak-away pits, septic tanks, chambers...
• Door and window schedules - (majedwari ya madirisha na milango) hii hutumika kuonesha vipimo na idadi ya madirisha na milango; Huweza kutumika kuanza kutengeneza madirisha na milango hata kabla ya ujenzi haujaanza maana vitu na ujenzi wote hufanyika ktk vipimo

LIPA KIDOGO KIDOGO